Hava limanı yolunda ağır qəza: “BYD” yük maşını ilə toqquşdu - VİDEO

Paytaxtın Hava limanı yolunda yol-nəqliyyat hadisəsi baş verib.

Avtosfer.az-ın məlumatına görə, qəza iyulun 15-də axşam saatlarında qeydə alınıb. Belə ki, hərəkətdə olan “BYD” markalı minik avtomobili yük maşını ilə toqquşub.

Toqquşmanın təsirindən hər iki nəqliyyat vasitəsi yoldan çıxaraq yol kənarındakı dəmir maneəyə çırpılıb.

Hadisə nəticəsində avtomobillərə ciddi maddi ziyan dəyib, sürücülər isə yüngül bədən xəsarətləri alıblar. Qəza yerindən keçən digər sürücülər yaralılara ilkin yardım göstəriblər.

Faktla bağlı araşdırma aparılır.

Nərmin