Hava limanı yolunda qadın motosikleti vurdu, sürücüsü ağır yaralandı - VİDEO

Paytaxtın Hava limanı yolunda ağır yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 8-də səhər saatlarında qeydə alınıb. Belə ki, hərəkətdə olan “Hyundai Elantra” markalı avtomobil motosikletlə toqquşub.
Zərbənin təsirindən motosiklet bordürə çırpılıb, sürücü isə bir neçə metr kənara düşüb. Nəticədə motosiklet sürücüsü müxtəlif dərəcəli bədən xəsarətləri alıb. Yaralı xəstəxanaya yerləşdirilib, vəziyyətinin ağır olduğu bildirilir. Hadisə nəticəsində hər iki nəqliyyat vasitəsinə maddi ziyan dəyib. Əraziyə polis əməkdaşları cəlb olunub.

Qeyd edək ki, hadisənin görüntüləri sosial şəbəkələrdə yayılıb və müzakirələrə səbəb olub. Şərh bölməsində istifadəçilər motosikletin “Hyundai”ı idarə edən qadın sürücünün önünə qəfil çıxdığını bildiriblər.

Nərmin