Hava limanında 2 təyyarə toqquşdu - VİDEO

İndoneziyada hava limanında iki sərnişin təyyarəsinin qanadları bir-birinə ilişib. Avtosfer.az-ın salamnews-a istinadən verdiyi xəbərə görə, hadisə Şimali Sumatra əyalətinin Medan şəhərinin hava limanında baş verib. “Wings Air” aviaşirkətinin təyyarəsi uçuşa hazırlaşarkən “Lion Air” hava gəmisi eniş edib. Eniş edən təyyarə sol qanadı ilə uçuşa hazırlaşan hava gəmisinin sağ qanadına dəyib. Hadisə nəticəsində zərər çəkən olmayıb, lakin hava limanının fəaliyyətinə 20 dəqiqəlik ara verilib.