Hazırlıqdan qayıdan məktəbli qızı maşın vurub - Sumqayıtda

Sumqayıt şəhərində məktəbli qızı maşın vurub. Avtosfer.az-ın "Report"a istinadən xəbər verir ki, hadisə şəhərin 9-cu mikrorayonu ərazisində baş verib. Sumqayıt şəhər sakini, 2001-ci il təvəllüdlü Əhmədzadə Aynur İntiqam qızı hazırlıqdan evə qayıdarkən naməlum avtomobil tərəfindən vurulub. Sumqayıt şəhər 18 nömrəli məktəbin 11-ci sinif sagirdi olan qız qəza zamanı ağır kəllə-beyin travması alıb. Yaralı qız Sumqayıt şəhər Təcili və Təxirəsalınmaz Tibbi Yardım Stansiyasının zədə məntəqəsinə çatdırılıb. Faktla bağlı araşdırma aparılır.