Helikopter qəzaya düşdü: 19 ölü

Rusiyada helikopterin qəzaya uğraması nəticəsində 19 nəfər ölüb, 3 nəfər sağ qalıb. Avtosfer.az Rusiya mətbuatına istinadən xəbər verir ki, insident Yamal-Nenetsk Muxtar Dairəsinin ərazisində baş verib.

Mİ-8 tipli helikopterin qəzaya uğramasının səbəbləri hələlik məlum deyil. “Qəzanın baş verdiyi yer aşkarlanıb. İlkin məlumata görə, 19 nəfər ölüb, 3 nəfər sağ qalıb. Hadisə yerinə xilasedicilər cəlb edilib. Helikopterin “qara qutusu”  axtarılır”, Rusiya FHN-dəki mənbə bildirib.