Helikopter qəzaya uğradı: 8 hərbçi həlak olub - FOTO

Kolumbiya Hərbi Hava Qüvvələrinə məxsus “Huey II” helikopteri ölkənin şərqində qəzaya uğrayıb. Avtosfer.az-ın məlumatına görə, bu barədə ölkə prezidenti Qustavo Petro “X” sosial şəbəkəsindəki hesabında bildirilib.

“Viçada departamentində humanitar missiyada olan Kolumbiya Hərbi Hava Qüvvələrinin səkkiz əməkdaşının ölümünü təəssüflə bildirirəm. Onların helikopteri qəzaya uğrayıb. Ölkə üçün bu kədərli məqamda ailələrə həmrəy olduğumu bildirirəm”, - deyə o bildirib

Qəzanın səbəbləri hələ müəyyən edilməyib.