Helikopter qəzaya uğrayıb, 4 nəfər ölüb

Fransanın cənub-qərbində jandarm helikopterinin qəzaya uğraması nəticəsində 4 nəfər həlak olub. Avtosfer.az xəbər verir ki, bu haqda "France Press" məlumat yayıb. Tarbes qəsəbəsindəki hərbi bazadan havaya qalxan polis helikopteri bilinməyən səbəbdən Haute-Pyrenees bölgəsində dağlıq əraziyə çırpılıb. Hadisə nəticəsində pilot daxil olmaqla 4 nəfər həlak olub. Helikopterin təlim uçuşu keçirdiyi bildirilir.

Fransa prezidenti Frnsua Olland və baş nazir Manuel Valls baş vermiş təyyarə qəzasında ölənlərin yaxınlarına baş sağlığı veriblər.Hadisənin təfərrüatı barədə əlavə məlumat yayılmayıb.