Helikopter qəzaya uğrayıb, ölən və yaralananlar var - Kanadada

Kanadada helikopter qəzası baş verib. Avtosfer.az xəbər verir ki, bu barədə "CBC" telekanalı xəbər yayıb.

Məlumata görə, hadisə Kempbelton şəhəri yaxınlığında qeydə alınıb. Qəzaya uğrayan helikopter elektrik dirəklərinə və naqillərə ilişdikdən sonra çayın kənarında düşüb.

Nəticədə 2 nəfər hadisə yerindəcə dünyasını dəyişib. Daha 1 nəfər isə xəstəxanaya yerləşdirilib.

Qəza səbəbindən Nyu-Bransiuk və Kvebekin 14 min sakini elektrik enerjisindən məhrum olub.