Hərbi helikopter qəzaya uğradı: ölən və yaralananlar var

Omanda “NH-90” hərbi helikopteri qəzaya uğrayıb. Avtosfer.az-ın APA-ya istinadən verdiyi xəbərə görə, insident ölkənin şimal bölgəsində, Hərbi-Hava Qüvvələrinə məxsus bazada baş verib. Təlim uçuşu həyata keçirən helikopter ilk cəhddə eniş edə bilməyib, ikinci cəhddə isə yerə çırpılıb. Hadisə nəticəsində bir hərbçi ölüb, daha ikisi yaralanıb. Yaralıların həyatlarına təhlükə olmadığı bildirilir. Qəzanın səbəbləri barədə hələ ki, məlumat verilmir.