Hərbi maşın qəza törətdi - 4 nəfər ölüb

Rusiyanın Saxalin vilayətində  hərbi maşın qəza törədib. Avtosfer.az apa-ya istinadən xəbər verir ki, hadisə Oqonki-Nevelsk yolunun 29-cu kilometrində, dağ yolunda qeydə alınıb.

“Ural” markalı yük maşını qarlı hava şəraitində idarəetməni itirərək “Toyota Vista” markalı minik avtomobilinə çırpılıb. Nəticədə minik avtomobilinin sürücüsü və üç sərnişin hadisə yerində ölüb.

İlkin ehtimala görə, qəzaya hava şəraitinin pis olması səbəb olub. 

Faktla bağlı araşdırma aparılır.