Hərbi təyyarə qəzaya uğradı

Ukraynanın Xmelnitski şəhərində hərbi təyyarə qəzaya uğrayıb. Avtosfer.az "Report"a istinadən xəbər verir ki, bu barədə Xmelnitski Vilayət Dövlət Administrasiyasının nümayəndəsi məlumat verib.

"Bu gün Xmelnitskidən, təxminən, 20-30 km məsafədə hərbi təyyarə qəzaya uğrayıb", - məlumatda deyilir. Administrasiya nümayəndəsinin sözlərinə görə, hadisə yerinə xilasedicilər, eləcə də Xmelnitski vilayətində Starokonstantinov şəhərində yerləşən hərbi hissənin rəhbərliyi yollanıb.

Hazırda istintaq-əməliyyat tədbirləri aparılır, hadisənin detalları müəyyənləşdirilir. Təyyarənin növü barədə məlumat verilmir.