Hərbi təyyarə qəzaya uğrayıb

Rusiyada “Yak-130” hərbi təyyarəsi qəzaya uğrayıb. Avtosfer.az “Report”a istinadən xəbər verir ki, hadisə Volqoqrad vilayətinin Novonikolayevsk rayonunda baş verib. Yerli Fövqəladə Hallar Xidmətinin məlumatına görə, qəzaya uğrayan təyyarə təlim-məşq uçuşu keçirirmiş. Təyarədəki iki pilot katapultasiya olub və xəsarət almayıblar. Qəza ilə bağlı əlavə məlumat verilməyib. Hadisənin səbəbi araşdırılır.