“Honda” dərəyə aşdı: 2 nəfər xəsarət alıb - İmişlidə

İmişlidə baş verən qəzada 2 nəfər xəsarət alıb. APA-nın Mil-Muğan bürosunun məlumatına görə, hadisə Hacıqabul-Horadiz avtomagistralının İmişli rayonu Məzrəli kəndi ərazisindən keçən hissəsində qeydə alınıb. Sabirabad sakini, 1958-ci il təvəllüdlü Qəhrəmanov Lələxan Abuzər oğlunun idarə etdiyi “Honda” markalı avtomobil yoldan çıxaraq dərəyə aşıb. Nəticədə sürücü və avtomobildə olan 1961-ci il təvəllüdlü Qəhrəmanova Həmişəgül Bəhlul qızı müxtəlif dərəcəli xəsarətlər alaraq İmişli rayon xəstəxanasına yerləşdirilib.

Faktla bağlı araşdırma aparılır.