Hövsan-Suraxanı yolunda qəza: “Hyundai” “Qazel”ə çırpıldı - ANBAAN VİDEO

Hövsan-Suraxanı yolunda baş vermiş yol-nəqliyyat hadisəsi avtomobilin vidroregistratoruna anbaan düşüb.

Avtosfer.az-ın məlumatına görə, qəza bir neçə gün əvvəl səhər saatlarında qeydə alınıb. Görüntüdən aydın olduğu kimi, 
“Hyundai Santa Fe” markalı avtomobilin sürücüsü hərəkətdə olduğu zolaqdan anidən sola manevr edərək Suraxanıya gedən yola dönür. Bu zaman o, qarşı tərəfdən gələn “Qazel”lə toqquşur. Hadisə zamanı hər iki nəqliyyat vasitəsinə maddi ziyan dəysə də, xəsarət faktı qeydə alınmayıb.

Qeyd edək ki, Yol Hərəkəti Haqqında qanunun 77-ci maddəsinin 4-cü bəndinə əsasən,“Hyundai” sürücüsü yolayrıcına daxil olmazdan öncə qarşı tərəfdən gələn nəqliyyat vasitəsini gözləməli və daha sonra hərəkət etməliydi. Qəzanın baş verməsinə digər səbəb isə “Qazel” sürücüsünün ötmə əməliyyatını düzgün etməməsi olub. Nəticədə hər iki sürücünün bir-birini görməsi məhdudlaşdığı üçün qəza qaçılmaz olur.

Nərmin