Hövsanda döngəyə sərt girən sürücü “Mercedes”i vurdu - ANBAAN VİDEO

Paytaxtın Suraxanı rayonu, Hövsan qəsəbəsində baş vermiş yol qəzası avtomobilin kamerasına düşüb.

Avtosfer.az-ın məlumatına görə, hadisə sentyabrın 25-də saat 15:12 radələrində qeydə alınıb. Kadrdan da göründüyü kimi, 99-MJ-189 dövlət nömrə nişanlı “Renault” markalı avtomobilin sürücüsü döngəyə sərt daxil olur. Nəticədə o, dayanmış “Mercedes” markalı maşını vurur. Sürücü avtomobilin əyləc sistemində problem yarandığı üçün qəzanın baş verdiyini bildirib. Hadisə nəticəsində avtomobillərə maddi ziyan dəyib. Xoşbəxtlikdən xəsarət alan olmayıb. 

Qeyd edək ki, döngəyə yüksək sürətlə və sərt daxil olmaq qəza riskini artırır. Avtomobilin idarəetməsini itirmək, aşmaq və ya qarşı zolağa çıxmaq təhlükəsi yaranır. Bu səbəbdən döngəyə yaxınlaşanda sürəti mütləq əvvəlcədən azaltmaq lazımdır. Çünki döngənin içində qəfil əyləc manevri maşının sürüşməsinə səbəb ola bilər.

Nərmin