Hövsanda idarəetmədən çıxan “BMW” dərəyə yuvarlandı - VİDEO

Paytaxtın Hövsan qəsəbəsi ərazisində yol-nəqliyyat hadisəsi baş verib.

Avtosfer.az-ın məlumatına görə, hadisə aprelin 28-də günorta saatlarında qeydə alınıb. Belə ki, hərəkətdə olan “BMW” markalı minik avtomobili yoldan çıxaraq dərəyə düşüb.

Şahidlərin bildirdiyinə əsasən, qəzaya sürücünün idarəetməni qəfil itirməsi səbəb olub. Hadisə nəticəsində xəsarət alan olmasa da, nəqliyyat vasitəsinə ciddi maddi ziyan dəyib.

Qəza yerinə polis əməkdaşları cəlb olunub, avtomobil isə evakuator vasitəsilə ərazidən çıxarılıb.

Faktla bağlı araşdırma aparılır.

Nərmin