Hövsanda sərnişin avtobusu ilə "Changan"ın toqquşmasına dair AÇIQLAMA - VİDEO

"Hövsan qəsəbəsində baş verən yol-nəqliyyat hadisəsi zamanı xəsarət alan olmayıb".

Avtosfer.az xəbər verir ki, bu barədə Oxu.Az-a açıqlamasında Bakı Şəhər Dövlət Yol Polisi İdarəsinin (BŞDYPİ) bölmə rəisi, polis mayoru Toğrul Nəsirli məlumat verib:

"Hadisə bu gün saat 13:45-də qeydə alınıb. Fikrət Müşfiq oğlu Quliyevin idarə etdiyi "Changan" markalı, 88-BJ-358 dövlət nömrə nişanlı minik avtomobili ilə Namiq Sərdar oğlu Əliyevin idarə etdiyi 99-JR-116 dövlət nömrə nişanlı BMC markalı avtobus toqquşublar. Xəsarət alan olmayıb. Nəqliyyat vasitələrinə maddi ziyan dəyib.

Fakt araşdırılır".

***15:54

Hövsan qəsəbəsində yol-nəqliyyat hadisəsi baş verib.

Avtosfer.az xəbər verir ki, bu barədə Oxu.Az-ın qaynar xəttinə məlumat daxil olub.

Qeyd olunub ki, hadisə "BakuBus"a məxsus sərnişin avtobusu ilə "Changan" markalı avtomobilinin toqquşması nəticəsində meydana gəlib.

Qəza nəticəsində minik avtomobilinə maddi ziyan dəyib.