"Hyundai" avtomobili piyadanı vurub

Tovuz rayonunda piyadanın xəsarət alması ilə nəticələnmiş yol qəzası baş verib. Tovuz Rayon Polis Şöbəsindən "Report"a verilən məlumata görə, hadisə axşam saatlarında, rayonun Əlimardanlı kəndində baş verib. Kənd sakini, 1972-ci il təvəllüdlü Əliyev Fikrət Fərmayıl oğlu yolu keçmək istəyərkən hələlik sürücüsünün adı açıqlanmayan "Hyundai" markalı avtomobil tərəfindən vurulub. Yaralı ağır vəziyyətdə Tovuz Rayon Mərkəzi Xəstəxanasına çatdırılıb. O, həkimlər tərəfindən əməliyyat olunub və reanimasiya şöbəsinə yerləşdirilib. Həkimlər yaralının vəziyyətinin ağır olduğunu bildiriblər.

Faktla bağlı Tovuz Rayon Polis Şöbəsində araşdırma aparılır.