İranda sərnişin avtobusu qəzaya uğrayıb, ölənlər və yaralananlar var - FOTO

Bu gün İranda Tehran-Xürrəmabad magistral yolunda sərnişin avtobusu qəzaya uğrayıb.

Bu barədə “Azad İran” “Telegram” kanalı xəbər yayıb.

Məlumata görə, qəza zamanı yeddi nəfər ölüb, səkkiz nəfər yaralanıb.

“Bu gün səhər saatlarında avtobus və yük maşınının toqquşması nəticəsində yeddi nəfər həyatını itirib, səkkiz nəfər ağır yaralanıb. Hadisə yerinə göndərilən xilasetmə qüvvələri yaralıları dərhal xəstəxanaya aparıblar”, - deyə Lorestan əyalətinin Yol Polis İdarəsinin rəisi Məhəmməd Zareyi bildirib.

Baş verən qəzanın səbəbinin araşdırıldığı bildirilib.

oxu.az