İçərisində bir ailə olan maşın çaya aşdı - Siyəzəndə

Bakı-Quba yolunun Siyəzən rayonundan keçən hissəsində içərisində bir ailənin olduğu maşın qəzaya uğrayıb. Avtosfer.az-ın istipress-ə istinadən məlumatına görə, qəza rayonun Ataçay ərazisində baş verib. “VAZ 2107” markalı maşın çaya aşıb. İnqilab, Lətifə və 28 yaşlı Məhəmməd Nəcəfov Bakıdan Qubaya gedirmiş. Ətrafdakıların köməyilə yaralılar çaydan çıxarılaraq Siyəzən Regional Müalicə Dioqnostika Mərkəzinə çatdırılıblar, vəziyyətləri ağırdır. Mərkəzin baş həkimi Dadaş Həsənovun verdiyi məlumata görə, İnqilab Nəcəfov tam komada olduğundan Bakıdan neyrocərrah çağrılıb. Qəzaya düşən ailə Bakının Qaradağ rayonunun Sahil qəsəbə sakinləridir.