İçərisində uşaqların olduğu avtobus çevrildi - xəsarət alanlar var

Serbiyanın şimalında uşaqları daşıyan Polşa dövlət nömrəli avtobus magistral avtomobil yolundan çıxaraq çevrilib. Uşaqlar arasında xəsarət alanlar var. Avtosfer.az-ın salamnews-a istinadən verdiyi xəbərə görə, bu barədə Serbiya Daxili İşlər Nazirliyindən məlumat verilib. “Yol-nəqliyyat hadisəsi nəticəsində bir neçə uşaq xəsarət alıb. Hadisə yerinə xilasedicilər briqadası və təcili tibbi yardım göndərilib.”, - nazirliyin məlumatında bildirilir. Qəza Feketiç yaşayış məntəqəsinin yaxınlığında baş verib.  Serbiyanın milli RTS televiziyası qəza nəticəsində bir yetkin şəxsin öldüyü, 25 nəfərin müxtəlif xəsarətlərlə yaxınlıqda yerləşən xəstəxanalara çatdırıldığını bildirib. Telekanalın məlumatına əsasən, avtobusda üç sürücü və 50 sərnişin (27-si 16 yaşadək uşaqlardır) olub.