İçi sərnişinlə dolu "Paz" yolun ortasında alovlandı - VİDEO

Başqırdıstanda içi sərnişin dolu avtobus alovlanıb. Avtosfer.az istipress-ə istinadən xəbər verir ki, hadisə Ufada baş verib.  Şəhərdaxili marşrutla hərəkət edən "Paz" markalı avtobus sərnişinlə dolu olub. Qəfildən avtobus alovlanıb. Sürücü cəld tərpənərək qapıları açıb və sərnişinləri avtobusdan düşürə bilib. Hadisə yerinə polis və yanğınsöndürənlər gəliblər. Yanğının səbəbi hələlik bəlli deyil. Qeyd edək ki, Ufada baş verən ilk avtobus yanğını deyil. Bir müddət öncə də sərnişinlə dolu avtobus yolun ortasında yanmışdı.