İçib motosikleti aşırdı

İmişlidə bir nəfərin yaralanması ilə nəticələnən yol-nəqliyyat hadisəsi baş verib. Avtosfer.az report-a istinadən xəbər verir ki, hadisə gecə saatlarında rayonun Göbəktala kəndi ərazisində qeydə alınıb. İmişli şəhər sakini, 38 yaşlı Rəşad Arif oğlu Qasımov idarə etdiyi motosikletlə hərəkətdə olarkən idarəetməni itirərək nəqliyyat vasitəsini aşırıb. Müxtəlif dərəcəli bədən xəsarətləri alan sürücü İmişli Mərkəzi Rayon Xəstəxanasına çatdırılıb. Hadisə baş verən zaman sürücünün sərxoş olduğu ehtimal olunur.

Faktla bağlı İmişli Rayon Polis Şöbəsində araşdırma aparılır.