İdarəetmədən çıxan “Hyundai” betona çırpılıb tanınmaz hala düşdü - VİDEO

Bakı–Quba yolunda ağır yol-nəqliyyat hadisəsi baş verib.

Avtosfer.az-ın məlumatına görə, qəza fevralın 25-də səhər saatlarında qeydə alınıb.

Hərəkətdə olan “Hyundai Elantra” markalı avtomobil idarəetmədən çıxaraq ayırıcı beton maneəyə çırpılıb. İlkin ehtimala görə, hadisəyə yüksək sürət səbəb olub.

Nəticədə nəqliyyat vasitəsi tamamilə yararsız vəziyyətə düşüb. Sürücü yüngül bədən xəsarətləri alıb.

Faktla bağlı araşdırma aparılır.

Nərmin