İki avtomobil toqquşdu: 1 ölü, 4 yaralı - Yevlaxda

Yevlaxda yol-nəqliyyat hadisəsi zamanı 1 nəfər ölüb, 4 nəfər yaralanıb. Avtosfer.az-ın Daxili İşlər Nazirliyinin rəsmi saytına istinadən verdiyi xəbərə görə, Yevlax rayonunun Xaldan kəndində Mingəçevir şəhər sakini Rüfət Ömərovun idarə etdiyi "Toyota" və Ağdaş rayon sakini Eldar Mustafayevin idarə etdiyi "VAZ-21214" markalı avtomobillər toqquşub. Nəticədə hər iki sürücü və R.Ömərovun 3 sərnişini xəstəxanaya yerləşdirilib, sərnişinlərdən Gülşən İsmayılova orada ölüb. Yevlax Rayon Polis Şöbəsi tərəfindən araşdırma aparılır.