İki avtomobil toqquşdu: 5 nəfər xəsarət alıb - Xaçmaz-Xudat yolunda

Bu gün Xaçmaz-Xudat yolunda ağır yol-nəqliyyat hadisəsi baş verib. APA-nın şimal bürosunun verdiyi məlumata görə, magistralın Xaçmazın Gödəkli kəndi ərazisindən keçən hissəsində 90 MN 338 dövlət nömrə nişanlı VAZ 21014 markalı avtomobillə 99 LX 526 dövlət nömrə nişanlı VAZ 2106 markalı avtomobil toqquşub. Qəza nəticəsində 5 nəfər xəsarət alıb. Onlar Xaçmaz rayonu, Mollaoba kənd sakinləri - 1990-cı il təvəllüdlü Gəncəliyev Rəşad Eldar oğlu, 1988-ci il təvəllüdlü Hacımuradov Firuz Mehman oğlu, Asiman İsmayılov, Surəyya Qayınbəyova və Həzi Quliyevdir. 

Onlar Xaçmaz Mərkəzi Rayon Xəstəxanasına yerləşdirilib. Faktla bağlı araşdırmalar aparılır.