İki avtomobil toqquşdu - 5 ölü, 2 yaralı

Ukraynanın Jitomir vilayətində ağır yol qəzası baş verib. Avtosfer.az-ın APA-ya istinadən verdiyi xəbərə görə, hadisə “Kiyev-Kovel” avtomagistralında qeydə alınıb. “Suzuki” və “VAZ 21 09” minik avtomobillərinin toqquşması nəticəsində 5 nəfər ölüb, 2 nəfər yaralanıb. Yaralılar xəstəxanaya yerləşdirilib. Onların vəziyyətlərinin ağır olduğu bildirilir. Qəzanın səbəbləri müəyyənləşdirilir.