İki avtomobil toqquşdu: 5 ölü

Rusiyanın Perm diyarında iki minik avtomobilinin iştirakı ilə ağır yol qəzası baş verib. Avtosfer.az-ın apa-ya istinadən verdiyi xəbərə görə, qəza Nıtva-Kudımkar yolunun 54-cü kilometrliyində qeydə alınıb. “KİA” markalı avtomobil qarşı zolağa çıxaraq  və “VAZ 21104”-lə toqquşub. Hadisə nəticəsində “KİA”-nın sürücüsü və iki sərnişini, eləcə də “VAZ” avtomobilində olan iki sərnişin hadisə yerində ölüb. Qəzanın səbəbləri araşdırılır.