İki avtomobil toqquşdu: azyaşlı xəsarət alıb - Lənkəranda

Lənkəranda azyaşlının xəsarət alması ilə nəticələnən yol-nəqliyyat hadisəsi baş verib. Avtosfer.az apa-ya istinadən xəbər verir ki, hadisə bu gün saat 16.30 radələrində rayonun Türkəkəran kəndi ərazisində qeydə alınıb. Sürücülərinin kimliyi hələlik məlum olmayan “VAZ-2107” və “VAZ-21015” markalı minik avtomobillərin toqquşması nəticəsində hər iki avtomobilə ciddi ziyan dəyib, həmçinin onlardan birinin sərnişini olan azyaşlı bədən xəsarətləri ilə xəstəxanaya yerləşdirilib.

Faktla bağlı araşdırma aparılır.