İki avtomobil toqquşdu, birinin sürücüsü öldü

Bakıda ölümlə nəticələnən yol qəzası baş verib. Avtosfer.az xəbər verir ki, bu barədə Sabunçu Rayon Polis İdarəsindən anspress-ə verilən məlumata görə, Pirşağı qəsəbəsində Bakı şəhər sakinləri Tehran Qasımlının idarə etdiyi “MG” və Nəriman Abdulovun idarə etdiyi “VAZ-21043” markalı avtomobillər toqquşub. Qəza nəticəsində xəsarət alan hər iki sürücü müxtəlif dərəcəli bədən xəsarətləri ilə xəstəxanaya yerləşdirilsə də, “VAZ-21043” markalı atomobilin sürücüsü 1970-ci il təvəllüdlü N.Abdulov hadisə yerində dünyasını dəyişib.

Faktla bağlı Sabunçu Rayon Polis İdarəsi tərəfindən araşdırma aparılır.