İki avtomobil toqquşdu - Kürdəmirdə

Kürdəmirdə xəsarətlə nəticələnən yol qəzası baş verib. Avtosfer.az-ın APA-ya istinadən xəbərinə görə, Bakı-Qazax əsas magistral yolunun 185-ci kilometrliyində Kürdəmir rayon sakini, 1964-cü il təvəllüdlü Əfrayıl İsrafil oğlu Həşimovun idarə etdiyi "VAZ-2107" markalı minik maşını ilə Bakının Qaradağ rayon sakini Orxan Vaqif oğlu Məmmədovun idarə etdiyi "Daewoo" markalı avtomobil toqquşub. Zərbənin gücündən "VAZ" yoldan çıxaraq aşıb. Nəticədə  "VAZ-2107" markalı maşında olan sərnişinlər - Kürdəmir rayon sakinləri, 37 yaşlı Rəşidə Arif qızı Şıxəliyeva, 58 yaşlı Qarakişi Əhməd oğlu Quliyev, 24 yaşlı Ruhanə Elçin qızı Cəbrayılova və 36 yaşlı Sveta Çingiz qızı İsmayılova müxtəlif xəsarətlərlə Kürdəmir Mərkəzi Rayon Xəstəxanasına yerləşdiriblər. Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.