İki avtomobil toqquşdu - Kürdəmirdə

Kürdəmirdə yol-nəqliyyat hadisəsi baş verib. Avtosfer.az-ın APA-ya istinadən xəbərinə görə, şəhərin M.Vaqif küçəsində Kürdəmir rayonunun Qocalı kənd sakini, 79 yaşlı Güloğlan Əhəd oğlu Həsənovun idarə etdiyi "VAZ-2106" markalı minik maşını idarəetmədən çıxaraq yol kənarında dayanmış Abduləli Fərman oğlu Rəhimova  məxsus "Qazel" markalı yük  maşınına çırpılıb. Nəticədə G.Həsənov müxtəlif xəsarətlərlə Kürdəmir Mərkəzi Rayon Xəstəxanasına yerləşdirilib. Faktla bağlı Kürdəmir Rayon Polis Şöbəsində araşdırma aparılır.