İki avtomobil toqquşdu - Naftalanda

Naftalanda xəsarətlə nəticələnən yol qəzası baş verib. Avtosfer.az-ın APA-ya istinadən məlumatına görə, Naftalan şəhərində “VAZ 2107” və “Mitsubishi” markalı avtomobillərin toqquşması nəticəsində 2 nəfər müxtəlif bədən xəsarətləri alıb. Onlardan biri - Naftalan şəhər sakini, 1978-ci il təvəllüdlü Ülfət Həsənov Goranboy Rrayon Mərkəzi Xəstəxanasına yerləşdirilib. Faktla bağlı Naftalan Rayon Polis Şöbəsində araşdırma aparılır.