İki avtomobil toqquşdu: ölən və xəsarət alanlar var - Ucar-Zərdab yolunda

Ucar-Zərdab yolunda iki avtomobil toqquşub. Avtosfer.az-ın APA-ya istinadən xəbərinə görə, hadisə Ucar rayonunun Qazyan kəndində baş verib. 90 XM 720 dövlət nömrə nişanlı, “Mercedes” markalı avtomobillə 03 BB 478 dövlət nömrə nişanlı, “VAZ 21011” markalı avtomobil toqquşub. Nəticədə “VAZ 21011”də olanlardan biri ölüb, iki nəfər xəsarət alıb. Xəsarət alanlar Ucar Mərkəzi Rayon Xəstəxanasına yerləşdiriliblər. Faktla bağlı araşdırma aparılır.