İki avtomobil toqquşdu - Ucarda

Ucarda xəsarətlə nəticələnən yol-nəqliyyat hadisəsi baş verib. Avtosfer.az apa-ya istinadən xəbər verir ki, hadisə bu gün Ucar-Zərdab yolunun Ucar rayonunun Qazyan kəndindən keçən hissəsində qeydə alınıb. 1972-ci il təvəllüdlü Mətləb Müslüm oğlu Ağayevin idarə etdiyi "Mercedes" markalı minik maşını ilə Murad Əlisahib oğlu Əliyevin idarə etdiyi "Lifan" markalı maşın toqquşub. Nəticədə "Mercedes"in sürücüsü aldığı xəsarətlə Ucar, "Lifan"ın sürücüsü isə Göyçay Mərkəzi Rayon Xəstəxanasına yerləşdiriliblər.

Faktla bağlı araşdırma aparılır.