İki avtomobil toqquşdu: xəsarət alan var

Şəmkirdə bir nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, Bakı-Qazax magistral yolunun Şəmkir rayonun ərazisindən keçən hissəsində “Mercedes” və “VAZ2106” markalı avtomobilləri toqquşub. Nəticədə bir nəfər xəsarət alaraq xəstəxanaya yerləşdirilib. Ona tibbi yardım göstərilib. Vəziyyətinin kafi olduğu bildirilir. Faktla bağlı Baş Dövlət Yol Polisi İdarəsində araşdırma aparılır.