İki avtomobil toqquşdu: xəsarət alan var - Bakı-Qazax magistralında

Bakı-Qazax magistralında 1 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə yolun Tovuz rayonu Düz Qırıqlı kəndi ərazisindən keçən hissəsində qeydə alınıb. "Opel" markalı avtomobilin digər maşınla toqquşması nəticəsində kənd sakini 1994-cı il təvəllüdlü Azər Məmmədov xəsarət alaraq xəstəxanaya yerləşdirilib. Ona tibbi yardım göstərilib. Faktla bağlı Baş Dövlət Yol Polisi İdarəsində araşdırma aparılır.