İki avtomobil toqquşdu: xəsarət alan var - Cəlilabadda

Cəlilabad rayonunda 1 nəfərin xəsarət alması ilə nəticələnən yol qəzası baş verib. Avtosfer.az-ın “Report”a istinadən məlumatına görə, hadisə gecə saatlarında, Ələt-Astara magistral yolunun rayonun bazar yaxınlığından keçən hissəsində qeydə alınıb. Belə ki, “Ford” markalı avtomobillə “Jiquli” avtomobilinin toqquşması nəticəsində Cəlilabad sakini, 52 yaşlı Murad Sadatxan oğlu Əzizov müxtəlif dərəcəli bədən xəsarətləri alıb. Yaralı Cəlilabad Rayon Mərkəzi Xəstəxanasına çatdırılıb. Faktla bağlı araşdırma aparılır.