İki avtomobil toqquşdu: xəsarət alan var - Göygöldə

Göygöldə sürücünün xəsarət alması ilə nəticələnən yol qəzası baş verib. Avtosfer.az-ın APA-ya istinadən verdiyi məlumata görə, hadisə rayonun Yeni Qızılca kəndində qeydə alınıb. “VAZ” və “Mercedes” markalı avtomobillərin toqquşması nəticəsində “VAZ”-ın sürücüsü 1982-ci il təvəllüdlü Quliyev Amil Bəndər oğlu xəsarət alaraq xəstəxanaya yerləşdirilib. Ona tibbi yardım göstərilib. Vəziyyətinin orta ağır olduğu bildirilir. Faktla bağlı hüquq mühafizə orqanları tərəfindən araşdırma aparılır.