İki avtomobil toqquşdu: xəsarət alan var - Tovuzda

Tovuzda bir nəfərin xəsarət alması ilə nəticələnən avtomobil qəzası baş verib. Avtosfer.az apa-ya istinadən xəbər verir ki, hadisə rayonun Qovlar şəhəri ərazisində qeydə alınıb. “VAZ-2106” və “VAZ-2107” markalı avtomobillərin toqquşması nəticəsində “VAZ-2107”nin sürücüsü, Şamlıq kənd sakini, 1997-ci il təvəllüdlü Mətləb Zeynalov müxtəlif bədən xəsarətləri alıb. Ona tibbi yardım göstərilib. Vəziyyətinin normal olduğu bildirilir.

Faktla bağlı Tovuz rayon Polis şöbəsində araşdırma aparılır.