İki avtomobil toqquşdu: xəsarət alanlar var - Ağdamda

Ağdamda baş verən yol-nəqliyyat hadisəsində 2 nəfər xəsarət alıb. Avtosfer.az apa-ya istinadən xəbər verir ki, Quzanlı qəsəbəsində Siyavuş Hüseynovun idarə etdiyi “VAZ 2109" markalı, 10 BZ 885 dövlət nömrəli maşınla Kamil Mehdiyev idarə etdiyi “CHANGAN” markalı, 99 AG 421 dövlət nomrəli avtomobil toqquşub. Zərbədən idarəetməni itirən S. Hüseynov maşını yolun kənarındakı elektrik dirəyinə dəyib. Nəticədə “VAZ 2109"da olan sərnişinlər - 58 yaşlı Arifə Dadaşova və 38 yaşlı Minarə Hüseynova xəsarət alıb. Onlar Ağdam Mərkəzi Rayon Xəstəxanasına çatdırılıb.

Faktla bağlı araşdırma başlanıb.