İki avtomobil toqquşdu: xəsarət alanlar var - Ağstafada

Ağstafa rayonunda 2 avtomobil toqquşub, xəsarət alanlar var. Avtosfer.az-ın "Report"a istinadən məlumatına görə, hadisə rayonun Kirovka kəndində baş verib. Ağstafaya qonaq gələn Kürdəmir rayon sakini, 1989-cu il təvəllüdlü Abışov Yüsif Abış oğlunun idarə etdiyi avtomobil qarşı tərəfdən gələn avtomobillə toqquşub. Nəticədə hər iki sürücü xəsarət alıb. Yaralılar xəstəxanaya yerləşdiriliblər. Həkimlər Y.Abışovun vəziyyətini orta-ağır kimi qiymətləndiriblər. Digər yaralının durumunun normal olduğu bildirilib. Faktla bağlı araşdırma aparılır.