İki avtomobil toqquşdu: xəsarət alanlar var - Gəncə-Daşkəsən yolunda

Daşkəsəndə iki avtomobil toqquşub. Avtosfer.az-ın "Report"a istinadən məlumatına görə, hadisə Gəncə-Daşkəsən yolunun Bayan kəndindən keçən hissəsində baş verib. Belə ki, taksi kimi fəaliyyət göstərən "VAZ-2107" markalı avtomobil qarşısına çıxan "VAZ-21015" markalı avtomobilə çırpılıb. Nəticədə taksinin sürücüsü və bir sərnişini, həmçinin digər avtomobildəki sərnişin xəsarət alıb. Yaralılar xəstəxanaya yerləşdiriliblər. Onların vəziyyətlərinin qənaətbəxş olduğu bildirilir. Faktla bağlı araşdırma aparılır.