İki avtomobil toqquşdu: xəsarət alanlar var - Gəncədə

Gəncədə iki nəfərin xəsarət alması ilə nəticələnən yol-nəqliyyat hadisəsi baş verib. Avtsofer.az apa-ya istinadən xəbər verir ki, şəhərin Atatürk və Şah İsmayıl Xətai prospektlərinin kəsişməsində Gəncə sakini, 1991-ci il təvəllüdlü Sənan Zeynalovun İdarə etdiyi “Niva” və Samux rayonu, Lək kənd sakini 1958-ci il təvəllüdlü Fikrəddin İsmayılovun idarə etdiyi “VAZ-2107” markalı avtomobillər toqquşub.

Nəticədə “VAZ”-ın sürücüsü və onun həmkəndlisi, 1976-cı il təvəllüdlü Şamil Qasımov ağır bədən xəsarətləri alıblar, Gəncə şəhər Təcili Tibbi Yardım Xəstəxanasına çatdırılıblar. Onların vəziyyətlərinin ortaağır olduğu bildirilir.

Məlumata görə qəzaya səbəb işıqforun işləməməsi olub.

Faktla bağlı Gəncə şəhər Baş Polisi İdarəsində araşdırma aparılır.