İki avtomobil toqquşdu: xəsarət alanlar var - Şəmkirdə

Bakı-Qazax magistral yolunda yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, yolun Şəmkir rayonu ərazisindən keçən hissəsində “VAZ-21011” və “Mercedes” markalı avtomobillərin toqquşması nəticəsində 3 nəfər müxtəlif bədən xəsarətləri alaraq xəstəxanaya yerləşdirilib.Onların vəziyyəti ağırdır. Faktla bağlı Baş Dövlət Yol Polisi İdarəsində araşdırma aparılır.