İki avtomobil toqquşub, 3 nəfər xəsarət alıb - Tovuzda

Tovuzda üç nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə apa-nın qərb bürosunun verdiyi məlumata görə, hadisə rayonun Alakol kəndi ərazisində qeydə alınıb.

“VAZ 21015” və “VAZ 2107” markalı avtomobillərin toqquşması nəticəsində Alakol kənd sakinləri - 1962-ci il təvəllüdlü Məhəbbət Əliyeva və 1956-cı il təvəllüdlü Nurəddin Əliyev, habelə Əyyublu kənd sakini, 1985-ci il təvəllüdlü Vüqar Əliyev müxtəlif bədən xəsarətləri alıblar. Onlar Tovuz Mərkəzi rayon xəstəxanasına yerləşdiriliblər. Xəsarət alan şəxslərə tibbi yardım göstərilib, vəziyyətlərinin orta ağır olduğu bildirilir.

Faktla bağlı Tovuz rayon Polis şöbəsində araşdırma aparılır.