İki avtomobilin toqquşdu: 1 yaralı - Biləsuvarda

Biləsuvar rayonunda yol-nəqliyyat hadisəsi baş verib. Avtosfer.az “Report”a istinadən xəbər verir ki, hadisə Ələt-Astara magistralının rayon ərazisindən keçən hissəsində qeydə alınıb. İki avtomobilin toqquşması nəticəsində Masallı rayon sakini, 40 yaşlı Səkinə Firudin qızı Abdullayeva müxtəlif dərəcəli bədən xəsarətləri alıb. Yaralı Biləsuvar Rayon Mərkəzi Xəstəxanasına çatdırılıb. Xəstəxanada ilk tibbi yardım göstərildikdən sonra o, travmatologiya şöbəsinə yerləşdirilib. Faktla bağlı araşdırma aparılır.