İki maşın toqquşdu: 2 yaralı - Astarada

Astara rayonunda xəsarətlə nəticələnən yol qəzası baş verib. Avtosfer.az-ın APA-ya istinadən verdiyi məlumata görə, insident Nizami küçəsində qeydə alınıb. İki avtomaşının toqquşması nəticəsində 2 nəfər xəsarət alıb. Yaralılardan biri Astara Rayon Mərkəzi Xəstəxanasına, digər isə,  1990-cı il təvəllüdlü Sərxan Vuqar oğlu Əsgərov Lənkəran Rayon Mərkəzi Xəstəxanasına yerləşdirilib. Onların vəziyyətlərinin orta ağır olduğu bildirilir. Faktla bağlı hüquq-mühafizə orqanları tərəfindən araşdırma aparılır.