İki maşın toqquşdu, 3 adam yaralandı

Avtosfer.az eltv-yə istinadən xəbər verir ki, Şirvan şəhərində 3 nəfərin xəsarət alması ilə nəticələnən avtomobil qəzası baş verib. Şirvan-Salyan magistralının Şirvan şəhəri ərazisindən keçən hissəsində qeydə alınan avtoqəza zamanı Salyan sakini Natiq İlqar oğlu Qurbanovun idarə etdiyi "Opel" markalı avtomobillə Şirvan sakini Balakişi Murad oğlu Cəbiyevin idarə etdiyi "VAZ-21011" markalı minik maşını toqquşub. Nəticədə "Opel" markalı avtomobilin sürücüsü və minik maşınında olan sərnişinlər -İlqar Əlizamanov Şirvan Şəhər Mərkəzi Xəstəxanasının reanimasiya şöbəsinə, Mahmud Abdullayev isə travmatologiya şöbəsinə yerləşdiriliblər.

Faktla bağlı Şirvan Şəhər Polis Şöbəsində araşdırma aparılır.