İki maşın toqquşdu: 5 nəfər xəsarət alıb - Balakəndə

Balakəndə baş verən yol-nəqliyyat hadisəsi nəticəsində beş nəfər xəsarət alıb. Avtosfer.az-ın APA-ya istinadən məlumatına görə, oktyabrın 9-u saat 22.00 radələrində Yevlax-Zaqatala-Gürcüstan sərhəd magistralının Balakən şəhəri ərazisindən keçən hissəsində şəhər sakini, 1970-ci il təvəllüdlü Akif Cəlal oğlu Əliyevin idarə etdiyi  “VAZ 2106” markalı, 08 BB 234 dövlət nömrə nişanlı minik avtomobili ilə rayonunun Hənifə kənd sakini, 1980-ci il təvəllüdlü Vüsal Qəhrəman oğlu Mustafayevin idarə etdiyi “VAZ 21015” markalı, 08 BH 215 dövlət nömrə nişanlı minik avtomobili toqquşub.

Nəticədə “VAZ 2106”ın sürücüsü Akif Əliyev, sərnişinləri, Balakən şəhər sakinləri - 1995-ci il təvəllüdlü Mübariz Vaqif oğlu Namazov, 1970-ci il təvəllüdlü Ramiz Yusif oğlu Namazov, 1979-cu il təvəllüdlü Nərgiz Nurəddin qızı Yekəyeva, digər avtomobilin sürücüsü Vüsal Mustafayev Balakən Mərkəzi Rayon Xəstəxanasına (MRX) xəsarət alıblar.

MRX-dan bildirilib ki, dalağı çıxarılan Akif Əliyev əməliyyatdan sonra reanimasiya şöbəsinə yerləşdirilib, vəziyyəti orta-ağır qiymətləndirilir. Digərləri ilkin tibbi yardım göstərildikdən sonra evə buraxılıblar.

Faktla bağlı Balakən rayon Polis Şöbəsində araşdırma aparılır.